الحلقة رقم 2-الشغف

Passion

بالعربى

الشغف

الحلقة رقم 2

قبل ما ننتقل لمعرفة أي شئ عن الشغف اللي اصبح موضة، كلمة الكل عمال يردد فيها، ويقول لك لازم يكون عندك شغف  passion، وناس كتير اصبحت تضيفها فى كلامها ، ومدربين ان عاجلا او اجلا هيظهروا ، و يتكلموا عن الشغف، و ناس بتشتغل في coaching و التدريب علي الشغف وأكتشافه

وده كله شئ كويس انك تلاقى فى المجال ده بدل الدليل الوحيد (المرشد فى الرحلة) هتلاقى 10 مرشدين للطريق، وبدل الطريق الواحد هتلاقى ملايين الطرق،  ولكل مرشد/ دليل ولكل طريق مميزاته وعيوبه، أهم شئ تعرف تمشي في الطريق وتستمتع به " هتسمع كلمة تسمتع دي كتير" في طريقك و أنت عايش الشغف.

بس قبل ما تروح لازم تفهم الاساسيات لرحلتك عشان لما تتدور على مرشد تلاقى حد مناسب،  ولما تلاقى طريق تقدر تقيمه بشكل جيد قدرالامكان، مش تروح تركب مع مرشد وتاخد عربية ليموزين وتمشى فى طريق فى الصحراء، وانت فقط ممكن تكون محتاج تمارس شغفك من الغرفة اللى جنبك و أنت معاك ورقة وقلم بس.

قبل الرحلة لازم يكون هناك توضيح لبعض النقاط المهمة، عشان تعرف تشوف حياتك و طريقك اللي كله ضباب بشكل كويس، أو على الأقل بمعدل رؤية مناسبة، و متزعلش من أي خطأ ممكن يحصل في الطريق، لأنه طريق و وارد كل شئ فيه ، حتي قطاع الطريق وارد وجودهم عليهم، فلازم نتعلم أننا نفهم طريقنا قدر الأمكان.

من الأفضل يكون معاكم أجندة معاك و قلم في رحلتنا عشان تكتبوا و تتدونوا ملاحظاتكم و أجابات الاسئلة و التمرينات

الشغف هيتم شرحه بشكل أكتر تفصيلا في البوستات الجاية، الأهم خلى بالك من النقاط الجاية في البوستات،،،،،،،،،،،،

ومن هنا نبدا نقول بسم الله نبدا رحلتنا سوا،،،،،،،،،،،،،،

أول نقطة

الأجابة النموذجية

 

  Shaymaa Al-Okaily

الشغف- الحلقة رقم 1

Passion

بالعربي

الشغف

"الحلقة رقم 1"

إن شاء الله قريبا، كتابي الأول عن الشغف يكون صدر، و من هنا لحد ما يصدر الكتاب، هنتكلم عن الشغف، و أزاي نقدر نعرفه و هيتم وضع التدريبات الكثيرة و التمرينات ، و نرد علي كل الأسئلة التي تثار حوله

بدءت رحلتي مع الشغف من حوالى 3 سنوات ، و خلالهم، تقريبا قرأت كل الكتب عنه، و أشتركت في كل الدورات العربية و الأجنبية التى تكلمت عن الشغف، و قرأت كل التساؤلات التي أثيرت حوله، هيتم عرض بعض الأسئلة التي أثيرت حول الشغف في السطور التالية

ما هو الشغف؟، يعني أيه تحديدا؟؟، هل هو الهوايات يعني اكون بعرف ارسم و اكتب خطوط أو أرقص باليه، يبقي انا كده عندي شغف، و لا ممكن أكون مهندس و لا محاسب و شغوف؟، ازاى احفر في عقلي و الألقي الشغف؟؟، طيب مهو انا ممكن اكون شغوف بحاجات كتير، هل الشغف شئ وحيد و لا متعدد؟؟، أيه السبب في الحمي العالمية التى اجتاحت الجميع و الكل ماشى يدور علي شغفه؟؟

أمتي أعرف أني وصلت لشغفي؟، مين يقدر يساعدني أوصل؟؟، أزاي أفهم نفسي و أعرف شغفي؟؟، حقيقي ممكن أعمل منه شغل؟؟، حقيقي ممكن أكسب فلوس من الشغف و لا دي شئ بيضحكوا علينا به بتوع الكورسات؟؟

هل أنا محتاج مدرب يعرفني شغفي؟؟، و لا ممكن أعرفه بنفسي؟؟، هل سهل أعرفه و زي ما بيقولوا مجرد تدريب بسيط و سريع هعرفه؟؟، و لا لازم اقعد كتير عشان أوصله؟؟

أسئلة كتيرة ممكن تتدور في ذهننا عن هذا الشئ الجديد اللي أجتاح ناس كتير، و بقت عمالة تسأل عنه ، و للأسف معظم المصادر أجنبية ، و لا يوجد الكثير منها بالعربى و حتي الموجود لا يسمن و لا يغني من جوع فعلا، إذا حاولنا نبحث عن الأمر فعلا

إن شاء الله في المدونة و الكتاب هيكون أكثر ممكن كنتم تتخيلوا

ملحوظة: بعتذر لأن الكتابة باللغة العربية غير قوية ، و لأني أكتب بالعامية، لأنها تريحني كثيرا و تصل للناس بسرعة

Shaymaa Al-Okaily

الشغف - المقدمة

Passion

بالعربي

شغف

تظل البداية أحيانا صعبة جدا، حتي تسطيع فهم ماذا تريد، و يظل هناك السؤال الدائم " هو أنا عايزة كده؟؟، هو أنا عايزة أيه؟"، و يظل منتصف الطريق أصعب، لأنك تقف علي عتبة السؤال الشهير، " هو أنا ماشي في الطريق الصح؟ ,  و أفرض أني وصلت و أكتشفت أني كنت غلط؟؟" ، و تظل الأجابة في بعض الأحيان خفية، و لا تظهر الإ في النهاية

هبدأ سلسلة عن الشغف، لأنه دايما كان محور سؤال لكل أنسان سمع عنه، بالأضافة للأجابات علي الأسئلة الأكثر شيوعا في هذا الموضوع، لا أزعم أن الأجابات صحيحة،  و لكن يظل أجتهاد يحترم من قبل أى شخص مهتم يبحث عن الأجابة

مهم جدا نتعلم أننا نتعلم و نستمر في العلم و نستمر في التقييم و التفكير الموضوعي، بالأضافة للتحليل ، كل يوم بيظهر الجديد في أي موضوع و الخبرة بتفرق معانا، محدش معه الأجابة، لكن الحياة جزء كبير منها مبني علي الأجتهاد العلمي الصحيح للوصول للأجابة الأدق في وقت السؤال

أتمني لمن يقرأ هنا في هذه المدونة أن يشعر بالسعادة في خلال الرحلة

Shaymaa Al-Okaily