الشغف و المشاعر

الشغف و المشاعر

أتكلمنا عن أن الشغف مرتبط بالمشاعر ، و بما أن المشاعر فيها ما هو إيجابي و فيها ما هو سلبي، يبقي أذن الشغف منه ما هو أيجابي و منه ما هو سلبي.

الشغف الأيجابي أنك تكون عايش في حاجة بتحبها و بتعملها بقوة لأنك أنت عايز كده زي مثلا بتحب الكتابة أو بتحب أنك تكون مدرب سباحة أو تتعلم الهندسة أو الطب ، لأنك بتشعر بسعادة،

 الشغف السلبي دي أنك عايش في رغبة و في حلم حد تاني، زي مثلا بابا عايزك مهندس، تلاقيك كل شوية مركز في الأمر ، و عايش بكره شديد لأنك أصلا لا بتحب الهندسة و لا بتطيقها ، فبيتكون عندك احساس غريب صعب ناحية كل شئ يخص الأمر حتي محاولة التفوق اللي بتكون عايزها بتكون عبارة عن مشاعر حقد و حسد و محاولة ضغط علي غيرك.

الشغف رحلة ممتعة جدا بتسعدك تعمل اتقان لكل حاجة في حياتك لأنك بتشتغل اللي بتحبه وبتعيش في خلال أختياراتك أنت اللي بتخليك تحس أنك شخص مسئول عن هذا الأختيار و بدافع عنه و بتحاول تتطور فيه.

تخيل لو أنت اشتغلت في شئ مش بتحبه و مش شغفك، هتبقي زي الأرنب اللي تم اجباره علي أنه لازم يتسلق الشجرة عشان يتقال عليه ممتاز ، و هو أصلا مشبيعرف يطلع الشجرة ، كل واحد له دوره ، و له رسالة في الحياة ، و له طريقة عباده خاصة به يقدر يعبد ربنا من خلالها ( العبادة هنا ليس المقصود بها فروض الدين التي لا جدال فيها، العمل عبادة و المهم أن تكون هذه العبادة محببة للنفس عشان لما تعملها  ، تعملها عن طيب خاطر و قدرة و محاولة مستمرة للإتقان في عملها) حتي لا تعاني الضغط و الأنفعال الغير مبرر، لما تمارس اللي بتحبه في هذه اللحظة هتكون مركز مع نفسك لكنك لا تحسد غيرك علي ما يملك لأنك سعيد بما في يدك.

ليه الشغف مهم، لأن الشغف مرتبط بقدرات و شخصية كل واحد فينا، مرتبط بخبراتنا و بدراستنا و اللي بنحبه و بنكرهه، يعني شخصيتين بيحبوا الكتابة ، و هو دي شغفهم، هتلاقي كل واحد له بصمة في اللي بيعمله مختلفة تماما عن الأخر.

عمرك صحيت الصبح حاسة نفسك مخنوق أخر 50 حاجة من يوم طويل صعب؟؟ هتروح الشغل اللي أنت مش بتحبيه أصلا؟ و لا مضطرة تنضفي و أنت هلكانة من كتر التفكير؟

لما بتعمل حاجة واحدة بتحبها في يومك بتكون سعيد جدا فوق الوصف، صح كده؟؟

سؤال الحلقة

أفتكري الأنشطة اللي كنت بتعمليها و بتسعدك؟ أي نشاط كنت بتعمليه و بيسعدك، لو فاكرة أكتبيه؟؟

#أعرف_شغفك

#أكاديمية_عقول

#Coach_Shaymaa_Alokaily

الشغف و الكتابة

الشغف و الكتابة

الكتابة بتخلي جواك حالة من الوصول للحقيقة و تصفية الذهن

لكن أغلبنا مش بيلجأ للكتابة عشان بيزهق أو عشان بيقولك كبر دماغك،  مليون سبب بيعطلنا أننا نكتب، لكن الحقيقة الكتابة بتفرق معانا كتير

لأنها بتوصلنا لمرحلة النقاء و صفاء الذهن عشان بنفرغ محتويات عقلنا أول بأول

عشان تعرف شغفك و تعرف طريقك لازم تكون صافي الذهن و مركز، عمرك شفت حد عرف يشوف صورته في براد المياه و هو بيغلي 

أكيد لأ

طيب لو زجاج السيارة بتاعتك متبهدل علي الأخر و عليه تراب، هتعرف تشوف طريقك ، أكيد لأ

يبقي عليك كل شوية تمسح زجاج السيارة عشان الرؤية تبقي ممتازة، و الكتابة بتوصلنا للحالة دي

الشغف له علاقة جامدة جدا مع الكتابة، كل ما بتكتب و تفلتر و تعرف أنت فين، هتعرف شغفك، و هتعرف محتاج أيه عشان تحققه، و هتعرف أنت مكانك فين بالظبط

الشغف و الكتابة حياة تانية :)

لازم تتعلمها

Shaymaa Al-Okaily

الشغف و مشكلة الفلوس

الشغف و الفلوس

غالبا أحنا مش بنمارس شغفنا عشان مفيش فلوس

طبعا عند هذه النقطة و يتفق أغلب الناس

:( 

الحقيقة أن لما بتسأل حد ليه مش بتمارش شغفك و اللي بتحبه ؟؟ ، بيرد عليك ويقولك مش بيأكل عيش، أما اظبط نفسي أمارسه أن شاء الله، و غالبا بيأجلوه لما يوصل سن المعاش

و كمان لما الأب و الأم بيشوفوا أبنهم ميوله رايحة ناحية شئ بيقولوه، خليها هواية و اتجدعن عشان تبقي دكتور ، مهندس ، و يبقي معاك فلوس و ساعاتها اعمل اللي أنت عايزه

 و لما بيكبر الأبن بيبقي هو هو نفسه الرجل اللي فوق اللي أنت سألته قبل ما تسأل أهله ، يرد بنفس الرد اللي فوق

الحقيقة أننا كلنا عايشين في وهم أسمه الحق خلي معاك فلوس ، أصل الشغف مش بيأكل عيش، تلاقي الأفلام صدرت لينا، أننا هنكون فقراء أكيد لو مبقاش معانا فلوس، و أن البطل مبقاش غني غير لما سرق و نهب، و الحقيقة أن الأغنياء مش دايما أغنياء ناتج سرقة

دي فكرة زراعها مخرج كان فاشل و مش شايف غيرها فقرر أنه يأكد عليها في 50 فيلم

الحقيقة أن ممكن تمارس شغفك ، و تنجح و يبقي معاك فلوس

لكن لازم عشان تمشي في طريق، لازم تغير فكرتك عنه، و تركز و تحدد عايز تعمل أيه في الطريق، تحاول و تحاول و تحاول و متملش من الطريق أبدا

حاول تعمل شغفك و تشتغل عليه

Shaymaa Al-okaily