الشغف و الكاريير (الدراسة و الشغل) و تعب السنين

الحلقة الجديدة

الشغف و الكاريير (الدراسة و الشغل) و تعب السنين

أحيانا فيه ناس ممكن تسألنا هو أيه شغفك؟ و هو أيه الباشن Passion بتاعك؟؟ لمجرد أنه ممكن تكون بتنبهنا أننا لازم نعيش حياتنا بشكل بنحبه ، و أحيانا عشان تقولنا عندنا مشكلة أننا منعرفش شغفنا

كأن لازم يكون فيه شغف واضح لينا بشكل جذري و الإ نكون متأخرين مثلا!!، الحقيقة هو مش لازم يكون فيه عندك شغف واضح جذريا و بشكل قاطع، يعني لو معرفتوش، مفيش أي مشكلة خالص ، هتبدأ رحلتك و هتستثمر في ما تملك.

فيه ناس بتمارس الشغف بشكل عادي جدا و هي متعرفش أصلا أنه شغف، و لأن هي بتمارسه فتعودت عليه بشكل قوى لدرجة فكرت معه أنه طبيعي جدا الأمر و مفيهوش حاجة مبهرة ، أعجا و أن كل الناس ممكن تعمل اللى هي بتعمله بسهولة ، و مش شئ مهم ، و لا يتم أعتبره جزء من شغفها (طبقا لوجهة نظرها)

و فيه ناس بتسأل السؤال الشهير، بعد 20 سنة خدمة في ثانوي بتقولي أقف؟؟ (بصوت عادل أمام في مدرسة المشاغبين :) ) ، بعد سنيين التعب في الدراسة و في الشغل عايزني أقف عشان اشوف الشغف بتاعي فين؟ و أعرف أيه هو الشغف بتاعي؟

القصة أبسط من كده خالص، محدش بيقول لحد غير الكاريير (الشغل و الدراسة) بتاعك ، و مفيش حد بيقول لحد خليك في نفس الكاريير (الشغل و الدراسة) بتاعك ، لغز الأمر؟؟!!

لأ مش لغز، مطلقا، لو الكاريير أو الشغلانة اللي أنت فيها بتحبها و فيه بينكم رابط حلو ، خليك فيها لكن طورها بما يتناسب مع قدراتك و مع تطورك المستمر ، و مع ما تحب من الأمور الأخري.

 لكن لو الشغلانة دي أصلا بينك و بينها سنيين من العداوة ، يبقي حاول تجتهد فيها و تتقنها ، بجانب أنك بتمارس الشئ اللي بتحبه بدوام جزئي لحد ما تقدر تنتقل أنتقال كامل منه ، و تعمل من شغفك دي فلوس تقدر تعيشك في وضع كويس.

الشغف في الحقيقة بيتكون من عدة مناطق مهم جدا أننا نتعرف عليها و كمان بيتكون من عدة أنواع ممكن تساعدنا أننا نفهمه

للحديث باقية

سؤال الحلقة

لو قابلت نفسك و أنت صغيره هتقوليها أيه؟؟ هتنصحيها تشتغل ايه؟؟

#أعرف_شغفك

#أكاديمية_عقول

#Coach_Shaymaa_Alokaily

أسئلة في الشغف

أحنا وقفنا في الحلقة اللي فاتت عند سؤالين

السؤال الأول

يجي السؤال الجامد، و هو أنا لسه هستني الشغف أعرفه و أمارسه و اشتغل فيه؟ ، أنا عايز فلوس دلوقتي و دي مش هتيجي غير من الشغل يا خاص يا قطاع حكومي، و الشغف خليه علي جنب؟، أن شاء الله لما يجي له وقته.

الشغف رحلة حياة، و هي أنك طول ما أنت ماشي في حياتك تعمل الشئ اللي بتحبه و تحاول توصله و تشتغل في مجالات قريبة منه، الحياة اقصر من أنك تتضيعها في ضغط مع شئ بتكرهه كره العمي، أو مش بيحقق لك اللي أنت بتتطمح له فعلا عشان تحس بالنجاح، لو أنت بتحب التدريس ، ليه مصر تبقي مهندس؟؟!! ، ممكن تشتغل في تدريس الهندسة اللي أنت تعبت فيها سنيين طويلة، و لو فرضنا أن دي غير متاح فيه مليون طريقة تمارس بها شغفك.

يبقي الشغف مش بيت هتتعب في المواصلات و لا ممكن تاخد مواصلات سهلة عشان توصله، الشغف هو البيت اللي أنت عمال تبني فيه و تعبان فيه، من كتر تعبك ، حبيت التعب دي، و انبسط أنك عملته، عشان تستفيد منه، و يبيقي هناك استراحة تستقبل الناس و تعلمهم أمور عن البيت دي.

هل ليك رأي مختلف؟؟ نتعلم منه؟؟

السؤال التاني

لو عدد الناس 8 مليار، منهم 4 مليار اطفال و عواجيز مثلا، و القطاع الحكومي و الخاص في العالم هيشغل مليار لخدمة الناس دي، تفتكر 3 مليار اللي فاضليين يروحوا فين؟؟

الناس اغلب ردهم انهم هيتعلموا حاجة مفيدة أو الناس لازم تعلمهم ازاي يعيشوا!!

الحقيقة أنا قرأت و سمعت السؤال دي في مكان اجنبي، من زمان جدا، و استغربت من الرد، لدرجة خلتني اعيد النظر مليون مرة في الرد، الرد كان كالتالي، لو كده يبقي من مصلحة الشعوب ان الحروب تفضل موجودة لأن الناس اللي ملهاش شغل، مالهاش مكان عشان تعيش فيه، يبقي الموت بالنسبة للأخرين أفضل حل.

حد استغرب؟؟

طيب تعالوا نفكر سوا، 

لو في بلد ما ، تعداد أهل البلد مليون أنسان، هنشيل منهم 300 الف طفل صغير و عجائز مثلا ، يبقي عدد الناس المسموح لهم بالشغل هو 700 الف شخص، هنفترض أن عدد الخريجين من الجامعة هو 100 الف ، و عدد اللي شغاليين في الحكومة هو 100 الف ، و عدد اللي شغاليين في القطاع الخاص هو 300 الف ، هيتبقي عندي 200 الف طالب بيدرس، عدد الوظايف المتاحة ناتج الفرص، و الناس اللي بتستقيل سنويا، في الحكومة (مثلا) 20 الف فرصة عمل، و في القطاع الخاص (مثلا) هو 40 الف فرصة عمل، يبقي أنا فاضل عندي 40 الف شخص سنويا مالهمش شغل، و الرقم دي بيتراكم سنويا، المفروض يروحوا فين؟؟

هل المفروض أنهم اصبحوا غير صالحين للحياة لأن الحكومة في البلد دي و القطاع الخاص، مش قادرين يوفروا فرصة عمل أو شغل؟؟

أنتم أيه رأيكم؟؟

للحديث باقية 

سؤال الحلقة:

تفتكري لو فتحت بيزنس في حاجة بتحبيها، هل هتبقي مبسوطة؟؟ أكتب لستة بالحاجات اللي بتحبيها في الدنيا، حتي لو مكنش ينفع تفتحي بها بيزنس؟؟

#أعرف_شغفك

#أكاديمية_عقول

#Coach_Shaymaa_Alokaily

، high risk is leading to High rizeq ، الشغف و المخاطرة و الرزق

في علاقة بين الشغف و المخاطرة و الرزق
 
كنت سمعت من دكتور عمرو الفص

، high risk is leading to  High rizeq ،

 أعلي مخاطرة هتاخدها هتتديك أعلي رزق بفضل الله، لأنك حاولت و تعبت و اشتغلت و اجتهدت، تحولت حياتك للعيشة في شئ بتحبه، طيب كل ما كنت قريب من شئ بتحبه ، نحسب أنك هتفضل تشكر ربنا أنه أتاك من فضله الواسع ، و أنك اشتغلت في اللي بتحبه، طيب لو حصلك أزمة هتحاول تبني من الأول و جديد في شئ بتحبه.

الطفل الصغير لما بيجي يتعلم المشي، مع كل مرة بيقع بتبتسم و تقوله حاول، شاطر، تشجيعك له بيخليه يتعلم المشي، لأنك كنت مستمتع مع ابنك ما أخدتش بالك انه أتعلم المشي عن طريق أنه شافك و أنت بتمشي ، و التانية من خلال مساندتك له أنه فضل اربع شهور يتعلم في المشي ، يعني لو عايز ابنك يكون ناجح، أنت لازم تكون ناجح و تسند ابنك ينجح.

لو ابنك جه يمشي اول مرة و فشل ، و بهدلته عشان فشل، غالبا ابنك هيكون عنده 25 سنة ، و راقد في السرير عاجز و مش بيعرف يمشي

ابنك لما يلاقي أبوه و أمه ناس قوية و ناجحة ، هيطلع متعلم من المحاكاة و الأسلوب، لذلك الرسول الكريم قال " ((المؤمن القوي خيرٌ وأحب إلى الله من المؤمن الضعيف، وفي كلٍ خير، احرص على ما ينفعك، واستعن بالله ولا تعجز، وإن أصابك شيءٌ فلا تقل: لو أني فعلت كذا وكذا وكذا ولكن قل: قدر الله وما شاء فعل، فإن لو تفتح عمل الشيطان ))، ( رواه مسلم 

الحديث دي فيه من العلم ما ينير حياة البشر الي ما لا نهاية لمن كان يريد أن يعلم و يتعلم و يعلم الغير

طيب لما بتكون بتحب شئ جدا، بتتحمل منه أي شئ صح كده؟؟، و دي اللي بيخليك في لغة البيزنس تشيل المسئولية عن طيب خاطر.

يجي السؤال الجامد، و هو أنا لسه هستني الشغف أعرفه و أمارسه و اشتغل فيه؟ ، أنا عايز فلوس دلوقتي و دي مش هتيجي غير من الشغل يا خاص يا قطاع حكومي، و الشغف خليه علي جنب؟، أن شاء الله لما يجي له وقته

و للحديث باقية

سؤال الحلقة:

لو عدد الناس 8 مليار، منهم 4 مليار اطفال و عواجيز مثلا، و القطاع الحكومي و الخاص في العالم هيشغل مليار لخدمة الناس دي، تفتكر 3 مليار اللي فاضليين يروحوا فين؟؟ 

#أعرف_شغفك

#أكاديمية_عقول

#Coach_Shaymaa_Alokaily

الشغف عنوان المرحلة

الشغف Passion

 هيكون هو عنوان المرحلة الحالية و المستقبلية في حياتك

أحدي البنات كانت تعشق القراءة و الكتابة و السير الذاتية، باباها و ماماتها شافوا الكتابة بتاعتها، كان الرد ببساطة، أيه رأيك تخلي الأمر دي علي جنب، و ادخلي طب الأول و بعدين أبقي اعملي اللي بتحبيه، البنت دي عمرها 50 سنة دلوقتي لو كانت بتمارس الكتابة من 25 سنة فاتوا كان الوضع أختلف، الفكرة أن "لو" هنا ،تساؤل عن أنه ليه مصرين تأجلوا اللي بتحبوه وعمله يكون ضمن ما أقره الله و رسوله ، لمجرد أرضاء الناس اللي وضعت قوانيين و اعراف خاصة بها  ترضيها هي فقط، و لا ترضى الله و رسوله

و قيس علي كده حاجات كتير، ابن الدكتور لازم يبقي دكتور ، و ابن المهندس لازم يبقي مهندس، لو ابنك بيحب الهندسة شجعه و لو بيحب شئ تاني ساعده ، الفكرة اننا نحترم ان كل شخص ربنا خلقه ، خلقه مختلف ليه حاجات بيحبها

السؤال ليه الشغف بالذات اللي محتاجين نعرفه، و ليه مصرين عليه؟؟

لأن الفكرة هي البحث عن ما تحب، الموضوع بسيط و المعدلة ابسط، أكتر حاجة بتحبها، لو أتعلمتها  و أتقنتها و أحسنت فيها، هتكون مصدر سعادة لحياتك و في النهاية لو عايزة تحوليها تكون مصدر دخل ليك، هتبقي شئ بتحبيه مش شئ بتكرهيه.

لو أنسان حاول يعيش حياته في شئ بيرضي ربنا فيه و الشئ دي كمان هو كشخص بيحبه، تفتكروا شكل اليوم هيكون عامل أزاي؟؟

طيب لو فتح شغل منه ، و الحمد لله بقي فيه عائد مادي و معنوي من الشغل دي، تفتكروا أيه اللي هيحصل؟؟

لغة البيزنس زمان، كانت ابحث عن المشروع الناجح و اعمل زيه ، و طوره عشان يجبلك دخل محترم، نسبة الفشل كانت كبيرة جدا، لأن غالبا الشخص كان بيفتح اي مشروع و السلام، و مكنش بيعرف يتطوره لأنه فاتح شئ مش بيحبه، و غالبا الناس بقت تخاف تاخد المخاطرة في الأمر.

لغة البيزنس دلوقتي أصبحت مختلفة تماما ، أبحث عن ما تحب، و اتقنه جامد و اتعلم فيه ، عشان تقدر تتحمل كل العقبات في سبيل عمله، و هتكون النتيجة أفضل شغل ممكن تحصل و أعلي دخل بفضل الله هتحصله من هذا الشغف.

و للحديث باقية

سؤال الحلقة:

أيه مواصفات الشغلانة اللي أنت نفسك تشتغليها؟؟

  

#أعرف_شغفك

#أكاديمية_عقول

#Coach_Shaymaa_Alokaily