تعرف ايه عن الشغف؟؟

عن الشغف

طيب نعرف أيه الشغف في البداية، لأن مينفعش نتعلم شئ و أحنا مشعارفينه و لا عارفين هنستخدمه في أيه؟؟

تعرف ايه عن الشغف يا بهجت يا أباصيري؟؟ :)

باللغة العربية، الشغف هو الغلاف الرقيق المحيط بالقلب و بيحميه رغم رقته، يعني أنت شغوف بشئ و بتحبه لدرجة أنه دخل ، و عدي من الغلاف دي و امتلك قلبك ، ذكرت مرة في القرآن في سورة يوسف ، "۞ وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهَا عَن نَّفْسِهِ ۖ قَدْ شَغَفَهَا حُبًّا ۖ إِنَّا لَنَرَاهَا فِي ضَلَالٍ مُّبِينٍ (30)"

و دي يقصد به أنها احبته لدرجة ملكت عليها كل قلبها ، و تسلل هذا الحب من خلال الغلاف الرقيق المحيط بالقلب و أمتلك مجامع القلب كله

شغف بالعربي لها معني بالأنجليزي و هو

Passion

 

Passion ترجمتها بالعربي هو ممارسة الحب / العلاقة الحميمية مع شخص تحبه " الزوج" أكيد طبقا لما أقره الله و رسله في الحلال ، و لها معني مكمل طبقا ل ويكبيديا ، و هو المشاعر القوية تجاه شخص أو تجاه أمر أو تجاه شئ تريد أن تنفذه بشدة رهيبة ناتج مشاعرك تجاه.

له تفسير أنه هو شئ بتحبه بشدة لدرجة أنك بتنسي وقتك و تنسي الدنيا معه، و بيكون كل تركيزك مع الأمر دي، زي مثلا لما بتقضي وقت مع الأطفال، أو بتقعدي تفكي كل جهاز حتة حتة عشان تعرفي طريقة عمله، أو بتحبي الحفظ، بتحبي القراءة لدرجة قوية جدا، و هكذا.

فيه تفسير تاني عشان تعرفي أيه الشئ اللي ممكن تتكلم عنه بقوة لدرجة تحمس غيرك أنه يبدأ و يكمل معاك الطريق، في بعض الأحيان بتتكلم مع حد عن موضوع مثلا عن أكلة معينة و تلاقيه يقولك أنا جسمي قشعر من طريقتك و وصفك و حسيت أني عايزة أقوم دلوقتي أعمله معاك و ناكلها سوا؟؟

بدام الشغف مرتبط بالمشاعر، و فيه مشاعر إيجابية و مشاعر سلبية، أذن هيكون فيه شغف كده برده، الرد علي السؤال دي هيكون الحلقة الجاية؟؟

سؤال انهاردة " أكتبي الأجابة في كشكولك" ، فاكرة لما كنت بتلعبي و أنت صغيرة، كنت بتحبي تلعب أيه، فاكرة اللعبة بتاعتك زمان كانت أيه؟؟ كنت بتعلبي دور المنقذ، دور الأم الحنونة، دور سيدة الأعمال، و و كانت اللعبة شكلها أيه؟؟

لو مش فاكرة مفيش مشكلة، أكتبي تخيلك دلوقتي للعبة نفسك تلعبيها

#أعرف_شغفك

#أكاديمية_عقول

#Coach_Shaymaa_Alokaily