أنا جاية من المستقبل و بقولكم عن
نقل الكلام
نقل الكلام شئ خطير جدا ، و ناس كتير بتعرف تستغله صح، اتعودنا من خلال الأفلام و المسلسلات ، البطل حد نقل له كلام عن أبوه ، أمه ، حبيبته ، صاحبه ، يقوم يتصدم و يتنح ، و يبدأ يكمل الفيلم للأخر و هو بينتقم و هو كاره الأب أو الأم أو الحبيبة أو الصديق ، عشان الكلام اللي اتنقل و في نهاية الفيلم يكتشف الخديعة
و الحقيقة أنه لو رفع سماعة التليفون و سأل كان وفر فلوس الفيلم ، و الأنتاج و التصوير ، وفر الفلوس في جيوبنا و ريحنا و ريح نفسه
الحقيقة أن نقل الكلام منهي عنه في كل الأديان ، و منهي عنه بشكل قوي ، و كمان التثبت و التأكد من صحة الكلام و سؤال الشخص (المفترض أنه متهم) من وجهة نظرنا ، (المنقول عنه الكلام) دا أول نقطة في الحوار كله ، يعني قبل ما أعيش الفيلم بالمآسي اللي فيه و الخناقات اللي مالهاش أي لازمة لازم ، أتثبت و أتبين و أفكر و أعقل كل شئ
أسهل حاجة أنك مباشرة تروح للشخص و تسأله أنا سمعت كذا و كذا ، هل دي صحيح؟؟
قالك نثبت و الكلام الفاضي دي ، قوله لأ، أنا فقط حبيت أستوضح
مش عايز تسأله يبقي متزعلش و تأخد جنب ، يبقي دي غلط، لأن محدش هيعرف هو غلط فين أو مغلطش فين بالأشارة و مش هيفتح المندل ، و لا يقرأ الكف عشان يعرف هو زعلك فين؟؟، أحنا ساعات بنزعل من أنفسنا و مش بنكون عارفين فين المشكلة أصلا، فما بالك بشخص تاني بيحاول ينجم هو زعلك في أيه؟؟
يا تواجه ، يا أما تقفل علي القصة و كأنها محصلتش، مضيعش فلوسك و لا حالك في فيلم هابط عشان واحد فاضي نقلك كلمتين
Shaymaa Alokaily
أسهل حاجة أنك مباشرة تروح للشخص و تسأله أنا سمعت كذا و كذا ، هل دي صحيح؟؟
قالك نثبت و الكلام الفاضي دي ، قوله لأ، أنا فقط حبيت أستوضح
مش عايز تسأله يبقي متزعلش و تأخد جنب ، يبقي دي غلط، لأن محدش هيعرف هو غلط فين أو مغلطش فين بالأشارة و مش هيفتح المندل ، و لا يقرأ الكف عشان يعرف هو زعلك فين؟؟، أحنا ساعات بنزعل من أنفسنا و مش بنكون عارفين فين المشكلة أصلا، فما بالك بشخص تاني بيحاول ينجم هو زعلك في أيه؟؟
يا تواجه ، يا أما تقفل علي القصة و كأنها محصلتش، مضيعش فلوسك و لا حالك في فيلم هابط عشان واحد فاضي نقلك كلمتين
Shaymaa Alokaily
No comments:
Post a Comment