مقال فى كورس- مقدمة ، السعادة -1

مقال فى كورس

هعمل حاجة جديدة شوية عليا ، أنا حابة كتير أخوض التجربة فيها ، و هى أنى كل كورس هدرسه بلغة غير عربية ، هحط رابط الكورس ، و أشرح منه بالأضافة لخبرتى فى الأمر ، يعنى هيكون تأليف لمقالات من خلال الكورسات فقط

أول كورس هعمله هو

https://www.udemy.com/secrets-of-happiness/learn/v4/overview

secrets of Happiness

و دى المدرس المسئول عن الكورس

Instructor

Sayed Eltaweel

Trainer

Sayed Hammad El-Taweel, MBA, CIDTT

رغم أن الفكرة فيها أفادة تروجية للكورس من وجهة نظر البعض ، الإ أنى هنا فى المقال مش بنتقد الكورس مطلقا ، و لكن بنتناقش من وجهة نظر عامة فى الكورس ، هكتب أيه هى أوجه الإستفادة من الكورس ، ما أستفدته على الصعيد الشخصى ، و أوجه ما تعلمته فى رحلة حياتى البسيطة من علم بسيط يضيف و يطور فى الكورس، يمكن يفرق المقال مع حد، معظم الناس بتروح للكتب و الكورسات و تضع لمسات من كل خلطة تعلمتها من خلال 20 كتاب مثلا و فى النهاية تكتب المصادر ، و من وجهة نظرى بيخلى فيه قلة فى الأنتاج ، لكن هنا ، أنا هحدد الكورس (المصدر) و ما تعلمته من خلال تجربتى فى الحياة فقط فى كل مقال، و لأن الكورس أيضا باللغة الأنجليزية فهيكون إفادة لمن لم يتقن اللغة الأنجليزية و أثراء للمحتوى العربى نوعا ما 

أن شاء الله التجربة تفيدنى كتير

فى البداية

قوانيين التجربة

الكتابة هتكون باللغة العامية الدارجة ، و هاول أحسن أسلوبى طبعا عشان تبقى لغة عربية فصحة

مش ملتزمة جدا بشكل المقال المعتاد ، فياريت التعقيبات تكون فى المحتوى

بخصوص ترجمة بعض الكلمات، لأن المحتوى الأنجليزى يختلف تماما عن العربى فكيفية شرح الأمر ، هحاول أقدم شرح للكلمات لو تتطلب الأمر ذلك

هتلاقوا أخطاء أملائية و دى طبيعى ، من أى حد ، المادة العلمية الموجودة هتكون أن شاء الله صحيحة ، لكن لا أضمنها بعد 5 سنوات من الآن، فتعلموا ما تخدوش الحاجة مسلم بها، و شغلوا عقلكم و فكروا أكتر

  أنا بكتب هنا عشان أنا أستمتع، لأنى بحب الكتابة

شكرا للى حابب يستفيد و اللى بيقدم النقد البناء بأسلوب الهدية الجميلة، غير كده أنا مستمتعة بالتجربة، مهما كانت النتايج

خلونا نبدأ على بركة الله

Shaymaa Al-okaily