Passion to business- 8 الوعى

تمارين الوعى

هنوضح تمرين العصف الذهنى بشكل بسيط جدا و بمثال يوضح فكرته

مثال توضيحي 

كان فيه شركة خاصة بالاتصالات عندها ازمة مع كابين التليفونات المتواجدة في الشارع، ان الناس بتتكلم ساعات طويلة ، و مش بتتكلم في الموبيل ، من خلال الخطوط بتاعت الشركة، و دي خلي الامر مزعج بالنسبة لها و سبب لها خساير، لأنها مش هتقدر ترفع سعر المكالمة الخاصة بالتليفونات الموجودة بالكبينة، و كمان بتخسر من ان الناس مش بتتكلم في خطوط التليفونات (الموبيلات) بتاعتها الإ قليلا،  جمعت كل فريق العمل وتناقشوا في الامر، فضلوا لمدة يتناقشوا في الامر، عملوا (3) اجتماعات تقريبا، أول اجتماع قعد ساعة تقريبا، حصل صراع بين الموظفيين، لأن كل واحد معترض علي حل الموظف الاخر، يعني بمجرد ما الموظف بيذكر فكرته، زميله بيقاطع الزميل صاحب الفكرة ، و يقول للمدير، أن الفكرة لا تصلح للتنفيذ لأنها غير منطقية أو مكلفة، لأي سبب.

المدير أتفق معاهم علي حل، أنهم هيستخدموا نفس الطريقة اللي تم شرحها سابقا، و حصل دي في الاجتماع التاني، أنهم قعدوا يفكروا ( بلا انقطاع، بافكار مجنونة و عادية لحد ما خلصت مدة الاجتماع) ،

في الاجتماع التالت، تم مناقشة الحلول، و دمج ما يمكن دمجه و تعديل ما يمكن تعديله،  لحد لما وصلوا للحلول النهائية المقترحة، تفتكروا ايه الحلول اللي وصلوا لها؟؟

احدي هذه الأفكار، وضع روايح مقرفة في الكابين، تغيير ارتفاع العمود اللي بيحمل التليفون بحيث ان اللي يتكلم وقت معين يبدأ يشعر ان ضهره وجعه فيبطل يتكلم، و بكده وصلوا أن فعلا الناس بطلت تستخدم الكابين الخاصة بالشركة ، و رفعت سعر تكلفة الاتصال علي الخطوط بمعدل تعويضى، خلي الشركة ربحت.

ملحوظة:

كل الناس بتبحث عن الفكرة unique ، الفكرة اللي محصلتش ، و تفضل منتظرها سنيين من عمرها، و يموت ، و هو بيحلم بالفكرة اللي هتفرقع، ميعرفش ان الفكرة الابداعية للمبدع ، مجتش غير لما بدء رحلته مع الافكار العادية،  وعاش الاحباط الشديد،  و وقع و قام تاني، و هكذا، و بعد مدة بدءت تهل علي دماغه الافكار الابداعية لأنه مارس الامر بأيده، و مع التدريب المستمر للتمرين دي، هيكون التفكير الابداعي شئ اساسي في حياتك، حتي لو ظهرت للناس فكرة عادية، هتكون مشكلتهم انهم مفكروش فيها من اساسه.

قصة طريفة اتقالت عن مكتشف رأس الرجاء الصالح، خلاصة القصة ان الملك دعاه عشان حفلة عشاء علي شرفه و تكريمه، و بعض الماكرين حاولوا يعملوا مشكلة بينه و بين الملك، و فهم الأمر، فحب يوضح ان تفكيره يسبقهم، 

سألهم كلهم، مين فيكم يقدر يوقف البيضة علي قاعدتها، و الكل بدء يفكر يعمل ايه؟، و الحلول طلعت منهم ، و اغلبها مكنش ناجح، فعمل أيه بكل بساطة!!، أزال جزء من قاعدة البيضة (من القشرة) ، و وقف البيضة علي القاعدة ، و وقفت عادي جدا، قالوله مهو احنا عارفين دي، قالهم وليه مطبقتوهاش لما أنتم عارفينها و عرضتم الفكرة، مشكلتكم أنتم!!

سؤال في الخباثة؟؟

لو عندك  اجزاء من 3 اسماك مختلفة "الجزء الخاص بالديل"، هل تقدر تجمعهم مع 3 أنصاص من الحيتان من ناحية الرأس و يعوموا سوا؟؟

بالمناسبة مش لازم دايما الفكرة و الأجابة تكون بالتفكير، ممكن تكون في حل زي كلمة "لأ" انه مينفعش نجمع السمك مع الحيتان ، مش لازم الفكرة الابداعية تكون فكرة مجتش علي دماغ حد، لكن ممكن تكون فكرة محدش توقع ان حد ينفذها رغم انها تبدو عادية للغير. أو ممكن تكون رد طبيعي جدا محدش توقعه ، و الكل عايش يبحث عن حل غير منطقي محصلش مبدع (و أحيانا مش بيكون له وجود أصلا.

طريقنا له بقية

Shaymaa Al-okaily