Passion to business- هل أنا مميز أم لأ؟ 2

عرض لمثال شكرة سامسونج بشكل تانى ، عشان نوضح الفكرة

 أنت عايز تبعت ورق مهم جدا لأهلك في بلدك،  عشان يخلصوا شوية أمور متعلقة بالورق المهم ، و لأنك مغترب عندك كذا شركة شحن فى البلد و عندك كذا اختيار، عندك شركة شحن الملابس، و شركة شحن المعدات، و عندك DHL و عندك البريد العادي ، و البريد المستعجل، عندك اختيارات متعددة، المفروض مين يشيل الورق؟؟! أيه رأيك؟؟

-------------------------------------------------------------- 

لأنه ورق مهم جدا، و عايزه يوصل خلال يومين بالكتير جدا ، و كمان يوصل صح و بدقة عالية جدا، " مفيش مجال للخطأ بتقديرك البشري" للأمر، و تكلفة الدفع متوفرة معاك، أختارت شركة DHL لأنها مناسبة جدا للمهمة ، و ارسال الرسالة لأهلك ، (تمام كده) ، متفقين، و لا حد ناوي يبعت الورق مع شركة شحن الملابس؟؟!!  تفكتروا أيه؟

-------------------------------------------------------------- 

بعت الورق للشركة و دفعت الفلوس، و المفروض انهم خلال 2 يوم،  تكون الرسالة وصلت لأهلك ، لأن الورق مهم جدا فوق الوصف ، و لازم يوصل في الموعد، حصل السناريوهات التالية:

السيناريو الأول:

شركة  DHL بلغتك ان الورق أتأخر ، عشان هم اضطروا يوصلوا الورق باستخدام الباخرة؟؟؟

رد فعلك أيه؟؟ و هتحاسب الشركة علي ايه؟؟

-------------------------------------------------------------- 

السيناريو الثاني:

شركة  DHL بلغتك ان الورق أتأخر ، عشان هم ضايعوا العنوان ، و ارقام التليفون؟؟؟

رد فعلك أيه؟؟ و هتحاسب الشركة علي ايه؟؟

--------------------------------------------------------------

 

السيناريو الثالث:

الشركة بلغتك ان الورق أتأخر عشان المرسال بتاعهم كان مش بيستخدم GPS و معرفش الطريق، و كمان قرر أنه يركب العجلة و هو بيوصل الورق؟؟؟

رد فعلك أيه؟؟ و هتحاسب الشركة علي ايه؟؟

-------------------------------------------------------------- 

السيناريو الرابع:

الشركة بلغتك ان الورق مرحش عشان مش فاضيين؟؟؟

رد فعلك أيه؟؟ و هتحاسب الشركة علي ايه؟؟

--------------------------------------------------------------

السيناريو الخامس:

الشركة بلغتك ان الورق مرحش ، عشان محدش عرف يقرأ العنوان، رغم انك كاتبه بخط واضح بالأنجليزي و العربي، فالمرسال كسل و مرحش؟؟؟

رد فعلك أيه؟؟ و هتحاسب الشركة علي ايه؟؟

-------------------------------------------------------------- 

السيناريو السادس:

الشركة بلغت ان الورق راح في موعده و وقته الصحيح؟؟؟

رد فعلك أيه؟؟ و هتحاسب الشركة علي ايه؟؟

--------------------------------------------------------------

طيب مثال بطريقة أخرى 

اشتغلت في شركة كويسة جدا، و المدير أعطاك سامسونج edge 7 عشان الشغل و المشاوير و عشان تخلص شغلك به.

السيناريو الأول:

ضيعت الموبيل؟؟؟ 

رد فعل المدير أيه؟؟ و هيحاسبك علي أيه؟؟

-------------------------------------------------------------- 

السيناريو الثاني:

خبيت الموبيل ، و قررت  تستخدم نوكيا قديم جدا، عشان خايف علي الموبيل الجديد، و الشغل أتأخر؟؟؟

رد فعل المدير أيه؟؟ و هيحاسبك علي أيه؟؟

--------------------------------------------------------------

السيناريو الثالث:

لعبت في الموبيل , و غيرت setting   الخاصة بالجهاز ، ومعرفتش تقرأ أي رسالة وصلتك من المدير؟؟؟

رد فعل المدير أيه؟؟ و هيحاسبك علي أيه؟؟

-------------------------------------------------------------- 

أنت أي واحد في دول، و ليه مش مهتم تفهم رسالتك في الحياة ، اللي ربنا أرسلك لإدائها علي الارض، قبل ما ترجع تاني عند ربنا ، و يسألك هل أديت الرسالة صح و لا لأ؟؟

ربنا هيحاسبنا علي أنه خلقنا مناسبين للرسالة اللي اتخلقنا عشان نؤديها، و بعتلنا كل الادوات و الوسائل اللي محتاجينها، فقررنا التالي:

1-   لم نقرأ الرسالة بتاعتنا عشان ننفذها

2-   لم نفهمها لأننا قررنا أننا لن نتعلم اللغة الخاصة بالرسالة

3-   ضيعنا الرسالة

4-   خلينا انفسنا وغيرنا يساعدنا عشان نتفه من امر الرسالة ونحط من قدرها

5-   قررنا نلعب و نضيع وقت مع الشهوات و الملاذات خارج حدود ما أقره الله لنا

6-   قررنا تجاهلها

هل تقدر تعد كام شئ عملنه عشان لا نتحمل الرسالة التي أرسلنا الله لها؟؟

--------------------------------------------------------------
     

و للحديث بقية

Shaymaa Al-Okaily