Passion to business- 10 الوعى

تمارين الوعى

تمرين الوعى الرابع، مهم جدا ، و هو ممنوع تشوف السواد ، دايما حافظ على أنك تشوف الأيجابيات ، أسمها ممنوع تشوف السواد

التمرين الرابع

ممنوع تشوف سواد، 

طبعا كلنا في بلادنا اتعودنا اننا لازم ندور علي القبح بمنكاش، عشان نحس بالمعاناة، مفيش حد عنده استعداد يذكر نقطة ايجابية مهما كانت، كان بيقول عنها دكتور أحمد العمري ( ثقافة الواو عند الأجانب) ، الرؤية الايجابية مكتسبة بالمناسبة، و هو شئ لازم نتعلمه مهما حصل، لأنه هيفرق كتير في حياتنا، و زي ما قولنا لو امتلاكنا أعظم خلاط كهربائي في الوجود ، المشكلة مش هتكون في الخلاط و لا شغله ،  المشكلة في الفاكهة و اللي بينقيها، لو نقيت فاكهة وحشة، استحالة يطلعلك عصير ممتاز فرز درجة أولي، و لا ليك رأي مختلف؟؟!!

------------------------------------------------

في الحديث القدسي: عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) ، (رواه البخاري ومسلم) .

أذن لازم نتعلم الظن الحسن ، حتي نؤجر عليه من الله، و دي هينتج عنه ، ليه لأنك بدءت تفكر بشكل مختلف في علاقتك ب ربنا، و من حسن الظن هينتج التفكير الايجابي ، عشان نقدر نشوف الأيجابية ، و التفكير يختلف ، و في حالة اختلاف التفكير، السلوك هيختلف و الطريق يختلف، و النتائج تختلف حتي أذا كان لا يمكن توقعها ،حتي لو تمنينا ان تكون بشكل محدد، في النهاية هيكون هناك أختلاف في النتيجة لأختلاف الطريق.

في التمرين دي العقوبة هتكون صعبة، (يا أختاااااااي) "بصوت شريف أسعد".

في البداية ، لازم كل ما يحصلك حادث او مشكلة او شئ او تصرف، تشوف الايجابيات في الامر، مهما حصل، من حقك تضايق و تفتكر في السلبيات لمدة 5 دقائق فقط لا غير، و بعدين تركز علي الايجابيات، فكر فيها ، أكتبها، المهم لا تري غير الايجابيات مهما حدث.

التمرين دي بتظل تمارسه ممارسة فعلية لمدة 10 أيام متواصليين، طيب، لو أنا تعديت 5 دقايق تفكير في السلبيات، أيه اللي هيحصل؟؟ ، ليك 3 مرات فقط تعدي القيمة دي في اول يومين في التمرين و في أول مرة تمارس فيها التمرين خالص ، و بعد كده لأ ، مش من حقك تعدي الوقت المطلوب، هتعيد التمرين من الاول خالص ، و تبدأ تعد 10 ايام من اول وجديد.

(و يا أختااااااااي ) :) هتقولها كتير بالمناسبة ، لأن فيه ناس كتير قعدوا بالشهرين يمارسوا التمرين دي عشان يقدروا يجتازوا 10 أيام، تفتكر أنت هتكون أقوي منهم؟ صدقني أكيد أنت أقوي؟ و لا ليك توقع أخر، أكتب توقعك و خليه تحدي

------------------------------------------------------------------

بالمناسبة، فيه سؤال مذكور في الصفحات الماضية بيقول (بالمناسبة عشان نقدر نقول أن اي تجربة لشئ جديد فشلت أو نجحت، تفتكر محتاج كام محاولة من وجهة نظرك عشان تعرف أذا نجحت و لا لأ؟؟)، و الأجابة: الناس عمرها ما هتعرف بعد كام محاولة ممكن تحكم علي الأمر بالفشل أو النجاح، و دي لسبب بسيط جدا، لأنها عمرها ما حاولت أصلا في الأمر.

يومياتي في ممارسة تمرين رؤية الأيجابيات

اليوم الأول

----------------------------------------------------------

اليوم الثاني

----------------------------------------------------------

اليوم الثالث

----------------------------------------------------------

اليوم الرابع

----------------------------------------------------------

اليوم الخامس

----------------------------------------------------------

 اليوم السادس

----------------------------------------------------------

اليوم السابع

----------------------------------------------------------

 

اليوم التامن

----------------------------------------------------------

اليوم التاسع

----------------------------------------------------------

 

اليوم العاشر

----------------------------------------------------------

لو ناوي تكرر ، هات ورقة وقلم واكتب من الاول تاني، تمن تغيير حياتك مش سهل لكن مستاهل تنبسط ، و انت بتعمله :) 

و للحديث بقية

Shaymaa Al-Okaily