Passion to business- الوعى

الوعي  

Awareness

أحنا ذكرنا قبل كده، أن مهم جدا يكون عندنا وعي و أدراك للي حوالينا، و اللي بنعمله، وليه بنعمله، و قبل ما نتكلم في الوعي، لازم في البداية عشان نفهم الشئ، لازم نعرف كافة تعريفاته، مستحيل ترد علي حد بيقولك الكيكة حلوة ولا وحشة لو عمرك ما أكلتها، أو حتي عمرك ما شفتها، لازم تعرف الشئ، دي أول خط في طريقك.

ما هو تعريف الوعي؟؟

هو حالة أدراك العقل للحقائق و الأمور، فهم الشئ و أدراكه ، هيكون وعي الشئ ، طيب دي يدل علي أن الشخص لازم هيفضل في مرحلة تعليم مستمر، عشان الوعي عنده يزداد و يعرف ما حوله، ودي لأن كل شئ في الكون في تغير مستمر.

دايما بنقول، لما حد يعمل شئ غلط، نقول ازاي عمله كده؟، دي "واعي و فاهم"، الوعي مرتبط بالأدراك للشئ، يعني لو الشخص مش مدرك عمره ما هيكون واعي، أذن لازم نوصل مرحلة الأدراك للأمر.

الوعي درجات ، فيه الوعي عالي و الوعي منخفض، ممكن تكون واعي بموضوع، و موضوع تاني مش واعي به، و هكذا، و بالمناسبة هذا لا ينتقص من أحد مطلقا، و الدليل علي ذلك حديث الرسول صلوات الله عليه " نضر الله امْرأ سمع منا حَدِيثا فحفظه حَتَّى يبلغهُ غَيره، فَرب حَامِل فقه إِلَى من هُوَ أفقه مِنْهُ، وَرب حَامِل فقه لَيْسَ بفقيه". يعني وارد أنك تبلغ شئ و أنت مش فاهمه لحد يفهمه و يعيه أكثر منك، مش ساعات بيقولوا التلميذ يتفوق علي أستاذه، أهم شئ أن الأستاذ لا يقتل موهبة تليمذه، و الأب يقدر يحافظ علي موهبة أبنه.

يبقي أهم شئ أنك لازم تكون فاهم أن الوعي دي ، موضوع أنت اللي بتشتغل عليه، مش بيجي لوحده، الأ لما تتعرض لشئ يأثر فيك بشكل مباشر، مثال، أنهاردة وانت في المدرسة درست أن لو وضعت أبرة أو قطعة حديد في الكهرباء هتوصل الكهرباء، أيه اللي بيحصل، أنت كده عرفت معلومة لكن هل أدركت المعلومة أو لأ؟!! دي شئ راجع ليك و بيختلف من شخص للتاني.

فيه طالب خلاص بقي فاهم المعلومة و واعي به، و فيه طالب بيروح البيت و يجرب، و فيه طالب تالت بيفضل عارف المعلومة لحد مثلا ما في يوم يلعب بقطعة حديد ، و يضعها في الكهرباء و يحصل الامر ويتكهرب، يحس أنه فجأة عند اللحظة دي كأنه فهم الأمر و خلاص أدركه.

الوعي مسئوليتك ، لأزم تتعلم تغييره و تفهم وتسيطر، أغلب الناس مفكرة أنه واعي لكل شئ، لكن الحقيقة أن دي مش صحيح، لو شبهنا الوعي بأنك عايش داخل بير، و البير فيه سلم يوصلك لخارج البير، فيه شخص قاعد علي الدرجة اللي تحت خالص جوا البير، ومفكر انه كده عايش ، و الحقيقة هي أنه متعايش مع الضلمة، وفاكر أن مفيش غيرك، حتي النور بيتعبره سراب، و فيه شخص تاني بيحاول يطلع السلم، للعلم سلم الوعي عامل زي سلم من احبال فيه قطعة خشبية زي بتاع السفينة كده مش ثابت، محتاج تكون مسيطر علي نفسك ،و واعي ، و مدرك لكل خطوة ، وعارف أنت بتضع رجليك فين، و بترفعها عشان تنقلها فين و ليه عايز تنقلها هنا!!

للحديث بقية

Shaymaa Al-Okaily