النار و التربية -1

غريب العنوان بيقولك النار و التربية ، هو فيه علاقة

للاسف فيه علاقة و علاقة مهمة ، البعض مش بيكمل التربية بسببها

لما أبنك يتعوج سلوكه بسببك ، أو يدلع بسبب تعاملك معه ، أو يرد بقوة و قسوة عليك بسبب قسوتك عليه ، لما تحبى تعيدى تربيته من جديد ، لازم تعرفى أن أى عادة اصيلة هى زى النار ، محتاجة أسلوب و تكنيك فى التعامل معاها ، و طبيعى أبنك بعد ما تقسى عليه سنتين مثلا ضرب و بهدلة و شتيمة ، و عايزة تصلحى علاقتك به ، لازم و أكيد هتعامليه بأسلوب كويس و رقيق و حنية ، و هتبطلى تتضربى 

 ابنك هيكون تصرفه زى النار ، مش واثقة فيك ، النار بتأكل الاخضر و اليابس هيبدأ يعمل تصرفات معاك شديدة الاستفزاز ببساطة ، لأنه عايز يتأكد من أن تغيرك معه فى التعامل  مش التغيير الذى يسبق العاصفة و هترجعى تانى لسابق عهدك من بهدلة و خلافه ، و لا بقى التغيير شئ يثق فيه ، و تبدأ النار تعلى قبل ما تنطفى ، و تتحول لشئ نافع نقدر نستفيد منه و نحجمه ، و كل ما تحاولى تتطفى النار و تهديها ، تعلى النار و تزيد فى الاشتعال

كل ما الوقت بيمر معاك و معه ، كل ما النار بتعلى ، قبل ما النار تبدأ تحس بالخوف و تنطفى لأنها لاقت الطرف اللى بيطفيها قوى و شديد و حاسم و متغيير بشكل مناسب ، هتبدأ النار تهدى و تنطفى 

قبل لحظة أنها تنطفى، هتكون النار فى أعلى مستوى ليها، لازم تحافظ على أرباحاك و تكمل عشان كده ، غالبا الأباء و الأمهات، بتيجى هنا و تتعب و تقول الولد مش بيتغير، لكنها لو صبرت شوية، الأمور هتختلف أكيد و هتجنى الثمار الخاصة بالعلاقة

الصبر على النار مهم جدا، المحاولة المستمرة أساس النجاح

مش معقولة علاقة فيها غلط بقاله 10 سنيين عايزة تصلحيه و تتعدل فى ظرف شهر، على أبسط التوقعات هتحتاج منك صبر بما يعدل 20% من المدة الزمنية ، يعني لو بقالك 10 سنيين هتحتاج منك صبر مستمر و متابعة يومية لمدة سنتيين

لما تكون عارف الوقت اللى هتحتاجيه ، و لما تكون عارف الأسلوب الصح للمعالجة هتحتاج منك سنتين ، فما بالك لو مشعارفة الاسلوب الصح للمعالجة ، و عمالة تحاول باجتهاد، هتحتاج وقت أطول بكتير

و تظلى أنك الأجدر على تهدئة النار، تصرفات ابنك هتتزداد سؤ ، و النار هتتزداد سؤ لحد ما تقدرى تقنعيه انك اتغييرتى و انك قدرتى ، و انك حاولتى ، و انه خلاص يجب أن يثق فيك بشكل قووى

انت كمان لازم تفهمى اننا فى كل الاحوال بنتربى  و نرفع مستوى وعينا مع عيالنا

فى كل الاحوال لازم تعرفى انك هتغلطى و هتفشلى ، و هتحسى بالاحباط ، و يمكن مش هتكملى و يمكن تقفى

لذلك اعرفى انك ماشية صح

الامور ليها دايما مبادئ بسيطة جدا

لازم تكونى عارفاها

الأستمرارية أساس النجاح

 Shaymaa Al-okaily