Passion to business- 3 الوعى

الوعى - 3 

لو استخدمنا من الحياة العامة أمثلة، كام شخص أدراك أن الحديد موصل للكهرباء،  بدون ما يكون وضع ابرة، قطعة حديد في فيشة الكهرباء ، كام سيدة تعلم أن الماء يسبب مشاكل اذا تم وضعه علي الزيت و مع ذلك تصر علي أن تتضع البطاطس و هي غرقانة مياه في الزيت.

سأل أحد الأطفال أمه، قال لها : ماما لما أروح الجنة هل ممكن أطلب من ربنا اللي أنا عايزه؟؟

ردت الأم: بالتأكيد ، اللي أنت عايزه تقدر تتطلبه من ربنا، طيب و ناوي تتطلب أيه من ربنا يا قلب ماما؟؟!! (في قرارة نفسها كانت تضحك علي طفلها الذي لم يتعد عامه الثامن)

رد الطفل: نفسي يبقي عندي توائم لي عشان أشوفه،

الأم أستغربت جدا وسألته: و أنت عايز توائم ليه يا جميل، 

رد الطفل : عشان اشوف شكلي و اشوف أنا بعمل أيه ؟؟ 

فردت الأم: طيب ما هي المرايا موجودة و تقدر تشوف نفسك، 

رد الطفل: لأ، أنا عايز اشوفني و افهمني و أعرفني، عايز اتفرج عليا و أنا بتصرف صح و لا غلط.

الأم سكتت و مشعارفة ترد، هل كلنا فاقدين درجة أدراك أنفسنا و لا هو الطفل عايز يتفرج علي نفسه وتصرفاته و لا كلنا مش عايشين في الوعي من اقل درجاته حتي؟؟!!

لازم تقييم نفسك بصدق مستمر، عشان تعرف انت كويس و لا وحش، تعرف تقييم نفسك ، عشان تقدر تتنتقل خطوة جديدة في حياتك، تقدر تشوف نفسك بشكل مختلف عن الماضي،  و تكون احلي نسخة منك في المستقبل، عليك بالوعي و عليك بطلوع درجات سلم البير و عليك أنك تاخد القيادة لنفسك و تمتلك زمام حياتك.

من أهم التمارين اللي ممكن تفرق معاك في الأمر، التمارين اللي جاية هتشوفها بشكل مختلف و مع الوقت و التدريب المستمر هتفرق في عقليتك، بالمناسبة عشان نقدر نقول أن اي تجربة لشئ جديد فشلت أو نجحت، تفتكر محتاج كام محاولة من وجهة نظرك عشان تعرف أذا نجحت و لا لأ؟؟

تفتكر كام محاولة، دونها في السطر الجاي

-------------------------------------------------------------

هل يتحول الوعي إلى للاوعي؟؟

يعني لما نحصل علي درجة وعي، ممكن دي يتحول للاوعي، دي صحيح، غريبة أزاي كده؟؟

مثال بسيط، بتعرفوا تسوقوا السيارات، لو أنهاردة أول يوم تتدريب ليك، تفتكر هتكون مركز و واعي للكلام اللي بيقوله المدرب بنسبة كام في المية؟؟

أكيد مش أقل من 100% درجة وعي، و محاولة مجاهدة للادراك الكامل للكل الأمور اللي بتحدث أثناء عملية التدريب علي القيادة.

طيب بعد سنتين من التدريب المستمر اليومي علي القيادة، بعربيتك، و التحرك وقطعت ما يفوق 60 الف كيلو سواقة بسيارتك مثلا، تفتكر كام مرة هتكون واعي و انت بتسوق، هتلاقيك غالبا بتوصل البيت، و أنت مش مركز و لاواعي، لكنك وصلت بالسلامة (الحمد لله) و دي يعني أن عملية السواقة من كتر أتقان تكرارها تحولت من الوعي الي اللاوعي.

هي كده أمور حياتنا، تعلم تكون واعي في البدايات حتي تتحول حياتك الي الأجمل، و اذا فيه شئ مر بدون وعي منك، يبقي عليك تتعلم مبدأ التقييم المستمر عشان تفلتر كل شئ.

مثال تاني، لو أنت جبت أحلي خلاط في الدنيا و جبت أوحش فواكه في الدنيا ، و ضربتها في الخلاط، تفتكر هيطلع أحلي عصير؟؟؟

بالتاكيد لأ، فخلي بالك من ان دماغك كجهاز افضل دماغك، و أبقي نقي الفواكه كويس عشان تستمتع. و لازم تكون واعي و مدرك لشروط اختيار الفواكه و ايه نوع الفواكه و هل بتحبها و لا لأ؟؟ ( مش كده و لا أيه, بصوت فؤاد المهندس :)  )

و للحديث بقية

Shaymaa Al-Okaily